南京兩日一夜遊
- 詳細內容
- 分類: 遊山玩水
- 發佈: 2009-02-25, 週三 11:42
- 點擊數: 4238
因為呢次行程由女友全程安排, 好多細節我都唔係好記得............
晨早起身去火車站, 比人老點, 去o左上海南站, 唯有坐番地鐵去上海火車站. 本來七點起身, 搞o下搞o下要搭10點半火車. 買o左動車組 (又名和諧號/子彈頭), 兩個鐘多少少就到南京.
最高見到報成25x km/hr......... 老實講, 真係唔覺有咁快
動車組o既車箱相當唔錯, 幾舒服, 而且廁所亦好乾淨
正式到o左南京. 一出南京站就已經到o左第一個景點 - 玄武湖. 無去玄武湖公園, 淨係去o左火車站對出果一忽, 見到幾個大爺嚮度釣魚, 無o野好睇
接住去火車站隔離o既巴士站搭一號車去酒店, 今次住o既係星程酒店, 嚮名勝夫子廟旁邊, 好方便. 星程據稱係開o左大約一年, 內籠算乾淨企理.
單張一角
酒店地圖
星程d房有個幾有趣o既設計, 就係所有沖涼房都係用玻璃做間隔, 即沖涼會睇晒啦. 可能你會話, 閂廁所門咪得囉! 係, 如果有廁所門的話!! 問過服務員, 所有房廁所都無門o既, 型!!! 要爆石就成房都聞到. 另星程都幾有誠意, 為客人預備好安全套
安置好, 就落去夫子廟食o野. 夫子廟, 秦淮河一角
就嚮路口見到呢間舖, 到南京指定要食o既鴨血粉絲湯
先o黍一杯梅花糕........, rmb1.5. humm, 難食!!! (女友話好食)
何謂梅花糕?
再o黍小籠 (正確唔係叫小籠, 但唔記得o左叫乜), 味道好一般
主角登場, 鴨血粉絲湯. 味道唔錯, 係d 鴨肝有d 腥, 其他鴨血(鴨紅), 鴨腸都好食. 嚮南京見到一間鴨血粉絲湯連鎖店, 叫回味. 暫離開南京嚮火車站試過, 同呢間無乜大分別
食完o野行行夫子廟
江南貢院
爛gag : 夫子廟o既夫子係孔子, 唔係老夫子!!
有師傅即場用蜜芽糖做各式各樣o既動物, 手工藝相當厲害
demo 特寫
下一站去中山陵
因為行o左好多路, 又唔知食乜, 最後就咁去o左酒店附近o既 burger king 食晚飯. 秦淮河夜景
第二日首站去今天南京遊我最想去o既地方 "侵華日軍南京大屠殺遇難同胞紀念館", 據稱係呢一兩年在原址重建
位於面口o既 "家破人亡" 雕塑
"標誌碑"
"災難之牆" 一角
"遇難同胞名單牆", 又名哭牆
"和平" 雕塑
紀念館中最感受深o既係 "萬人坑" 遺址. 行完整個紀念館, 我真係沉默o左一陣, 諗o左一輪. 自己本身好鍾意日本, 但歷史始終係歷史, 無得改變, 日本侵華係一個好大o既錯誤, 唔可以忘記. 不過, 當我o地唔可以忘記幾十年前o既侵華事件, 更加唔應該忘記八九年o既六四大屠殺
下一站, 雨花台
之後o既係明故宮遺址, 到o左明故宮地點唔見任何宮殿, 問過路邊伯伯, 佢話 : 燒o左囉. 詳情請睇呢度
最後一站係雞嗚寺, 外觀好普通o既一間寺廟, 亦因為到果時已經五點, 閂o左門. 其實去雞嗚寺另一目的係去食齋麵
麵的口感(用口感阿蘇又鬧o架喇, 不過我本身好憎阿蘇)就一般喇, 但個湯就好味
後話 : 呢次去南京之遊總括係滿意, 對南京亦好有好感. 唯一係冷襯, 病o左好耐
後記 : 因為工作關係, 再去南京3,4次, 高鐵已經開通, 上海去南京 '動車'由2個鐘頭鬆D, 縮短到73分鐘, 但價錢亦貴左唔小
有次搭地鐵張飛(其實係一個膠牌仔)入唔到閘, 但人就過到, 所以多樣紀念品
南京如家: